متابعة ..لأيام ابتدائى

أيام ابراهيم كعبورة ..وعلاء زلطة ..وسحر السرسوعة

فى المرة اللى أنا باحكى عنها ..نسيت الأبلة انها تزحلق سحر...وكان تقريبا نص الفصل مش عامل الواجب ..وشفت الشياطين بتجرى ورا بعضها فى وش الأبلة ..وحسيت ان قنبلة هتنفجر فينا ..رحت أنا عامل فيها حمامة سلام وسحبت نفسى لحد الأبلة ..وقلتلها بصوت واطى

- خلى بالك ياأبلة..سحر قاعدة

وعينك ماتشوف النور يامعلم ..الأبلة اتحولت لكائن خرافى

- بت ياسحر امشى إنجرى بره ..انتى عايزة تعملى حمام

وخد عندك .. لقفتنى من لياقة القميص

- اسم الله عليك يامحامى الفقراء ...انت خايف على سحورة السرسوعة...طب ودينى لتاخد كل اللى الفصل كان هياخده ..

وعينك ماتشوف الا النور ..

بعدها كرهت العربى ومدرسين العربى ونزلت 8 درجات فى ثانوية عامة فى العربى ..

ونقلت بعد كده الفصل التانى بعد ماحكيت اللى حصل لأبويا ...وكان مدرس عربى فى نفس المدرسة ...
ونكمل بعدين